More about Thanksgiving Day

Celebrate on: Fourth Thursday in November

Thanksgiving Day is the fourth Thursday in November, but many Americans take a day of vacation on the following Friday to make a four-day weekend, during which they may travel long distances to visit family and friends.

The holiday dates back to 1621, the year after the Puritans arrived in Massachusetts, determined to practice their dissenting religion without interference. After a rough winter, in which about half of them died, they turned for help to neighboring Indians, who taught them how to plant corn and other crops. The next fall's bountiful harvest inspired the Pilgrims to give thanks by holding a feast.

The Thanksgiving feast became a national tradition — not only because so many other Americans have found prosperity but also because the Pilgrims' sacrifices for their freedom still captivate the imagination.

To this day, Thanksgiving dinner almost always includes some of the foods served at the first feast: roast turkey, cranberry sauce, potatoes, pumpkin pie. Before the meal begins, families or friends usually pause to give thanks for their blessings, including the joy of being united for the occasion.

         

A Constitución Española

A semana do 3 ao 6 de Decembro celebramos  o aniversario da Constitución Española estudiandoa e facendo traballos sobre algúns dos seus artigos, concretamente sobre os que comprende o Título I: Dereitos e Deberes.

Na pesquisa de información adaptada a nós, atopamos unha páxina moi interesante do Parlamento de Canarias que explica o texto de forma moi sinxela e con debuxos divertidos.

Deixámosvos aquí o enlace porque verdaderamente merece a pena.

http://www.parcan.es/publicaciones/infantil/constitucion/

O Día de Acción de Grazas

Unha celebración americana no Corgo!

Dentro do programa de plurilingüismo non só está o estudio da lingua, senón que se inclue tamén o acercamento e coñecemento das culturas de fala inglesa e como a nosa lectora é americana, está poñéndonos ao día no que se refire a tradicións culturais da súa terra.
Así aprendimos uns cantos datos interesantes sobre ese día:
 

Por que se celebra:

En 1620, os peregrinos viaxaron de Inglaterra a América no Mayflower e desembarcaron en Plymouth. Escapaban das restricións da Igrexa de Inglaterra e da pobreza. Poderían ser considerados os primeiros inmigrantes norteamericanos.
O Indios nativos de Massachusetts recibiron  aos peregrinos amigablemente e compartiron os seus coñecementos sobre os cultivos de terras e ensinaronaos peregrinos a cazar e curar a carne de animais da área.

Para conmemorar que sobreviviran a un inverno moi rigoroso e tiveran unha colleita que ía axudalos a afrontar o seguinte, os peregrinos celebraron unha gran cea invitando aos nativos para así recoñecer a súa axuda. A primeira celebración de Acción de Grazas durou varios días. Ambos, os indios e os peregrinos compartiron bebida, comida e diversión

Hoxe é un día de agradecemento para a colleita e para todo o que se ten na vida.

Cando se celebra:

O primeiro presidente dos Estados Unidos, George Washington declarou o Día de Acción de Grazas o 19 de febreiro de 1795. Máis tarde, Abraham Lincoln escolleu o 3 de outubro de 1863 como un día de reflexión e gratitude.
O presidente Theodore Roosevelt, en 1941, cambiou o día de Acción de Grazas para a cuarto xoves de novembro, que aínda é o día no que celebramos este festivo.

Como se conmemora Acción de Grazas en Estados Unidos:

É unha festa de familia en que as persoas chegan a viaxar a outro estado para participar da súa familia facendo un esforzo para reunirse polo menos unha vez ao ano.

É unha das celebracións máis importantes en Estados Unidos e marca o inicio da tempada de compras de Nadal. O día seguinte, venres, chámase Black Friday, e hai rebaixas nas tendas, en preparación para a tempada de Nadal..

O menú de Acción de Grazas

O menú tradicional pavo asado, puré de patacas, patacas doces caramelizadas e feixón verde ou cenorias vidradas. A sobremesa típica é torta de cabaza ou noces.

 

Pero o máis importante do Día é dar Grazas e, sobre esa tradición os nosos alumnos fixeron traballos de plástica e lingua nos que daban as grazas e que se xuntaron para facer este pequeno mural.

 

 

en cada pluma do pavo: un agradecemento

O Magosto

Como cada ano coa chegada do outono chegan as castañas e este curso celebramos esta chegada con traballos de clase previos á festa do Magosto.

Nas aulas de 1º, 2º e 3º traballaron o vocabulario relativo aos productos de outono en inglés e galego e fixeron despois preciosos debuxos relativos ao tema.

Os maiores do colexio fixeron traballos de investigación e recopilación de cantigas sobre a castaña.

Aquí vos deixamos tres moi interesantes:

 

Miña nai, doime a barriga.

Miña nai, confesión.

As castañas que comiche

¿de qué castiñeiro son?

...........

A castaña no ourizo
quixo rir e reventou:
caendo castiro abaixo,
mira que golpe levou!

...........

Non chas quero, non chas quero,
castañas do teu magosto.
Non chas quero, non chas quero,
que me cheiran ao chamosco.

 

 

 

 

 

 



O Magosto

 

Este ano tocounos un día gris e frío así que disfrutar das castañas quentes foi un pracer

 

 

As nenas de 2º lucindo unha diadema de castañas que prepararon na clase

 

 



Os máis pequenos do colexio

Os nenos de 4º

 

Unha parte de 3º...

 

 

... e 1º

 

 

 

 



Algúns traballos previos: O Outono e o Mel

O outono foi o noso primeiro traballo común. Ademáis da recollida e clasificación de follas e productos da tempada, este ano decidimos estudiar a fondo O MEL. Traballamos nas clases todos os aspectos de súa producción, dende a vida das abellas ata os producto finais e os seus beneficios. Todos estes traballos expuxéronse en forma de dous murais. este primeiro recolle os traballos das clases de plástica

 Este outro recolle a información traballada tanto na clase de coñecemento como na de galego...

O mel é un líquido viscoso e azucrado producido polas abellas a partir do néctar recollido de flores e procesado polos enzimas dixestivos deses insectos, sendo almacenado en favos (ou panais) nas súas colmeas para servirlles de alimento durante o inverno.

É importante salientar que, a pesar de que o mel utilizado actualmente en maior escala na alimentación humana provén da produción das abellas melíferas.

Historia

O mel ten as súas cualidades recoñecidas, apreciadas e utilizadas polos seres humanos desde tempos remotos como alimento e adozante natural con poder adozante dúas veces maior do que o azucre de cana.

Existen diversas referencias históricas a esta substancia. Alén das citas bíblicas, moitos outros pobos, como os antigos exipcios ou os gregos, por exemplo, referíanse ao mel como un produto sagrado, chegando até servir como forma de pagamento de impostos. Foron encontradas en escavacións exipcias con máis de 3.000 anos mostras de mel aínda perfectamente conservadas en vasillas lixeiramente tapadas. Tamén existen rexistros prehistóricos en pinturas rupestres da recolección de mel.

Son coñecidas diversas variedades de mel que dependen da flor utilizada como fonte de néctar e do tipo de abella que o produciu. Mais como as abellas o fabrican en cantidade cerca de tres veces superior á necesaria para sobreviviren, sempre foi posíbel, primeiramente, colectarse o exceso del para o uso humano, e máis tarde, criar abellas para o fin específico de obter o mel, o que é coñecido como apicultura.

Composición e uso

Alén de ser utilizado como adozante, o mel sempre foi recoñecido debido ás súas propiedades terapéuticas. Dun modo xeral, o mel está constituído, na súa maior parte (cerca do 75%), por hidratos de carbono, especialmente polos azucres simples (glicosa e frutosa). O mel está tamém composto por auga (cerca do 20%), por minerais (calcio, cobre, ferro, magnesio, fósforo, potasio, entre outros), por cerca da metade dos aminoácidos existentes, por ácidos orgánicos (ácido acético, ácido cítrico, entre outros) e por vitaminas do complexo B, por vitamina C, D e E. O mel posúe aínda un teor considerábel de antioxidantes (flavonoides e fenólicos).

Os distintos tipos de mel varían en función das plantas de onde é extraído o néctar e, tamén, de acordo coa localización xeográfica desas plantas e os tipos das abellas produtoras. Por esta razón, o mel pode presentar consistencias e cores diferentes. Debido ao seu teor de azúcares simples, de asimilación rápida, o mel é altamente calórico (cerca de 3,4 kcal/g), polo que é útil como fonte de enerxía.

O mel é tamén usado externamente debido ás súas propiedades antimicrobianas e antisépticas. Así, o mel axuda a cicatrizar e a previr infeccións en feridas ou queimaduras superficiais. O mel é tamén utilizado amplamente na cosmética (cremas, máscaras de limpeza facial, tónicos etc.) debido ás súas cualidades astrinxentes e suavizantes.

Xuntamente co mel, as abellas producen outros importantes produtos: a cera, a xelea real, o própole e o pole.

Unha bebida fermentada a partir do mel e auga é denominada hidromel.

Elaboración:

As abellas van de flor en flor porque nelas atopan un xugo doce que se chama néctar, cólleno cunha palliña moi pequena que teñen  na boca. De volta á colmena convirten ese néctar en mel seguindo un proceso de colaboración entre todas as abellas: primeiro pasan o néctar que recolectaron ás súas propias compañeiras do interior que están agardando xunto á entrada da colmena; a continuación as abellas do interior inician o proceso de transformación do néctar en mel, para elo, alargan a trompa e sacan unha gotiña de líquido dixestivo. Neste proceso interveñen moitas abellas durante varios minutos, pasándose as gotiñas de néctar de abella en abella, iniciando así o proceso de conversión de néctar a mel.

A continuación o producto almacénase en celdiñas e pechan  cada celdiña herméticamente con cera.

Ata aquí o proceso da elaboración do mel, ésta é extraída dos panais polos apicultores, que a meten en centrifugadoras. Nelas sepárase o mel dos restos de cera e outros refugallos ao pasar polos filtros.

Por último envásase sendo este  o proceso máis natural.

Mel de Galicia

Desde 1997, a entón Consellería de Agricultura recoñece a denominación específica Mel de Galicia, rexistrada como indicación xeográfica protexida europea en 2007.

A denominación de orixe amparaba en 2008 a 405 apicultores (con 31.784 colmeas) e 37 envasadores, cunha produción total certificada de 314.832 kg (169 toneladas no ano 2000) e un valor económico estimado de 1.133.395 euros.

 

e... incluindo por suposto, o traballado na clase de inglés: este é o texto:

BEES TAKE NECTAR FROM FLOWERS

THEY TAKE IT TO THE BEEHIVE

THEY MAKE HONEY AND STORE IT IN WAXHONEYCOMBS INSIDE THE BEEHIVE.

THE BEE KEEPER WEARS SPECIAL CLOTHES SO THAT BEES CAN’T  STING THEM.

HONEY ARRIVES AT THE FACTORY WHERE IT’S KEPT INTO POTS.

AND IT’S READY TO BE EATEN.

unha miguiña sobre nós

Ola de novo!

Na nosa segunda entrada quemos falarvos un pouquiño de noso colexio para empezar a coñecernos. Ahí vai a xeito de resumo unha pequena descripción.

¿Quen somos?

Somos un colexio Público da Zona Educativa de Lugo, ubicado no Concello do Corgo, aberto a tódolos alumnos e alumnas sen ningún tipo de  discriminación.

Somos un colexio Plurilíngüe, o primeiro da provincia, que entende a importancia da adquisición de  competencias  lingüísticas  como  base  do  futuro dos nosos alumnos/as.

Preocúpannos a mellora  das  relacións  humanas e as  demandas  socias  do  noso  entorno  e  baseándonos nestes dous pilares ofrecemos unha educación   integral  en valores,  convivencia  e respecto que potencie ao mesmo tempo as   destrezas intelectuais, cognitivas e artísticas dos nenos e nenas.

Horario:

Entrada: 09.30 a.m.    

Saída: 16.00 p.m.

Comedor: 13.30 – 15.00

Actividades  Extraescolares: 16.00 – 18.00

Recursos humans:

Profesorado Especialista e de Apoio en tódolos niveis de  Educación Infantil (2)  e  Educación Primaria (6),  Relixión (1), Música (2), Educación Física (2),  Inglés (4) , Pedagoxía Terapeútica, Informática,  Educación Artística,  Audición  e Linguaxe e Departamento de Orientación. Auxiliar de conversa nativo.

 

Recursos materiais:

O noso principal recurso é a Natureza. Atopámonos  nun espacio natural privilexiado, san e tranquilo, rodeado de árbores e unha zona recreativa. Os patios ao aire libre están rodeados de zonas axardinadas con especies variadas que os alumnos estudian e coidan.

O Polideportivo e o Campo de fútbol municipal forman parte do recinto do colexio polo que  dispoñemos dunhas instalación que, sumadas aos campos de deportes ao aire libre, facilitan a práctica de calqueira deporte.

Dispoñemos tamén de: Aula de Música, Aula de Psicomotricidade, Aula de Pedagoxía Terapéutica, Aula de Audición e Linguaxe,     Biblioteca, e Aula de Informática e NovasTecnoloxías, ademáis de 9 Aulas dotadas de    material informático que corresponden aos 9 niveis de infantil e primaria.

¿Que pretendemos?

 Unha ensinanza de calidade, integral e persoalizada, baseada no traballo en equipo de todo o profesorado en estreita colaboración coas familias. Non somos un centro masificado polo que a atención individualizada está garantida. Temos menos de 20 alumnos/as por aula.

Unha ensinanza plurilíngüe: que enriqueza a  capacidade comunicativa do noso alumnado  neste mundo global. O noso currículo contempla signaturas e interacciones integrales en inglés.

Unha ensinanza creativa: o desenvolvemento das capacidades creativas e o espíritu crítico.

Unha ensinanza aberta ao medio, sensible e receptiva aos cambios sociais, científicos e culturais. Temos clase extracurricular de informática

A convivencia armónica entre tódolos compoñentes da Comunidade Educativa

 

Valores

Respeto á diversidade: respeto á individualidade de cada persoa. Fomento da autoestima de xeito positivo e crítico.

Solidaridade: sensibilidade ante as necesidades dos outros.

Espíritu de traballo e superación: Esforzo, responsabilidade, entusiasmo,  ante as tarefas intentando a superación persoal e do grupo.

Actividades complementarias e extraescolares

Actividades dentro do colexio: Día da Biblioteca, o Magosto, a Constitución, o Nadal, o día da Paz, o Entroido, O Día da Árbore, o Día do Libro, a Semana da Prensa, Competicións Deportivas, Talleres de Periodismo, Talleres de Teatro,  Festa de Fin de Curso.

Pola tarde a AMPA ofrece as seguintes actividades:

Obradoiro Deportivo

Inglés Lúdico

Kárate

Patinaxe

Xadrez

Taller de monicreques

Viaxes culturais, saídas ao campo, etc

  Servizos:

Transporte escolar : 7 rutas deseñadas para abarcar todo o Concello co suficiente número de paradas para a maior comodidade dos usuarios. Tódolos transportes contan con vixiante – asistente .

Comedor escolar:  un espazo concebido como máis como una prolongación da educación integral que como un servizo. Con menús equilibrados e adaptados ás necesidades de cada idade e peculiaridades específicas como son dietas de celíacos, alérxicos, etc.

Este servizo, coordinado polo Equipo Directivo do Centro conta cunha cociñeira titulada e unha axudante e coa colaboración de pais e nais na vixiancia e axuda do alumnado