DÍA DO LIBRO

HOXE PARA CELEBRAR O DÍA DO LIBRO TIVEMOS A VISITA DE PAULA CARBALLEIRA, UNHA CONTACONTOS MAGNÍFICA QUE NOS CONTOU DÚAS HISTORIAS MOI INTERESANTES NAS QUE APRENDEMOS POR QUÉ AS GALIÑAS ANDAN SEMPRE A PICAR NO CHAN E COA SEGUNDA, QUE TODO SE PODE CONSEGUIR CON ESFORZO.

 

 

 

A visita duns contacontos

Onte pola tarde, gracias á colaboración da ANPA, recibimos a visita de dous actores que nos contaron una historia na que Don Quixote da Mancha por mor da súa toleira mesturara os contos.

Entre todos nós axudamos a deixar os contos  como deben estar, participando na representación.

Velaí quedan unas fotiños da actividade.

 

CELEBRANDO O DÍA DO LIBRO

O Día do Libro (tamén denominado Día Internacional do Libro e Día Mundial do libro) é un acontecemento anual que se celebra o 23 de abril. A festa celebrouse por primeira vez baixo os auspicios da UNESCO en 1995 coa idea de fomentar a lectura, a edición e publicacións impresas e os dereitos de autor.

O 15 de novembro de 1995, a UNESCO decidiu proclamar este día, Día internacional do libro e dos dereitos de autor. A Organización das Nacións Unidas para a Educación, a Ciencia e a Cultura quería destacar deste xeito a importancia do libro, que foi historicamente o medio de difusión máis importante do coñecemento así como unha ferramenta esencial de enriquecemento cultural. Esta xornada ten como fin promover o libro e fornecer a través del o acceso á cultura do maior número de persoas posible. A primeira celebración do Día Mundial do Libro tivo lugar o 23 de abril de 1995.

A UNESCO decidiu celebrar conxuntamente o Día do Libro e dos Dereitos de Autor atendendo á casualidade de que a morte de Cervantes (o 23 de abril de 1616 no calendario gregoriano) se correspondía coa data do aniversario do nacemento e morte de William Shakespeare (no calendario xuliano). Na Inglaterra daquel tempo aínda se utilizaba o calendario xuliano, que tiña unha diferenza de 10 días co calendario gregoriano que se usaba en España. Shakespeare, polo tanto, morreu 10 días despois de Cervantes.

 

Un día tan importante tiña que ser ben celebrado, así que nós tivemos dúas xornadas con actividades referidas ao "Inxenioso Fidalgo Don Quixote da Mancha."

Esta mañá fixemos una lectura compartida do libro de Cervantes na Biblioteca. Tódolos alumnos colaboraron lendo un pedaciño da fermosa obra.

 

E surfeando na internet, atopamos una páxina moi interesante da Junta de Castilla y León adicada ao máis famoso personaxe da literatura en castelán, está chea de curiosidades e actividades online: xogos, tests, crucigramas, etc. deixámosvos o enlace coa seguridade de que pasaredes un bo rato nela:

 

http://www.educa.jcyl.es/educacyl/cm/gallery/Recursos%20Infinity/tematicas/webquijote/index.html