Roberto Vidal Bolaño

 

 

O 31 de xullo  de 1950,  coincidindo  co remate das  festas do Apóstolo na cidade de Santiago, naceu Roberto Ignacio  Vidal  Bolaño, que co paso do tempo se convertiría nun dos creadores do teatro profesional galego.

Realizou os seus primeiros estudos de primaria e bacharelato en Santiago
e  con doce  anos comezou a traballar como  repartidor  de  recambios  de coche, emprego  ao  que  seguiron  outros:  nunha  axencia de viaxes, nun almacén de coloniais e nunha entidade bancaria, até que, con vinte e sete anos, pasou a traballar profesionalmente no teatro.

Ao longo da súa traxectoria artística escribiu perto  de trinta obras teatrais, algunhas delas adicadas ao público infantil. Tamén realizo guións para as televisións  galega  e  española,  levando  á pantalla  relatos de escritores galegos como Fole ou Blanco Amor.

Participou como actor en longametraxes e series televisivas e como actor de dobraxe colaborou en máis de cincuenta películas.

Recibiu numerosos premios pola súa obra teatral: Premio Abrente, Premio

Cunqueiro, Rafael Dieste, Eixo Atlántico, Tirso de Molina...

No  ano  1991 creou e dirixiu a  compañía Teatro do Aquí, coa  que seguiu
representando as súas propias obras.
Roberto  Vidal   faleceu  en  Santiago  de  Compostela  na  madrugada  do
once de setembro de 2002.

Este enlace levarate á páxina do seminario galán que contén unha grande variedade de actividades en liña para educación infantil e todos os ciclos de primaria. Disfrutarás aprendendo sobre o autor e o teatro galego

http://seminariogalan.org/inicio/portada/actividades/